Seniore un die kölsche Sproch – dat es hee en Kölle jet, wat god zosamme pass un och vill Seniore un Seniorinne am Hätze litt
Un esu kom et, dat dat ein ov andere Metgleed der Fründe vun der Akademie för uns kölsche Sproch e. V. sich üvverlaht hät, su e Schmölzche för de Seniore widder oplevve zo looße.   

Woröm oplevve?  No jo, vun 2006 bes 2021 gov et ald ne Vörgänger vun de „Kölsche Verzällcher“, dat wor dat „Klaaf-Schmölzche“. Dä Freddy Müller hät dat domols en et Levve gerofe un zick 2012 wor et Marlies Marks die Sprecherin dovun.
Ävver wie dat esu mänchmol kütt – et gov Knies, do nit all em Verein wore un och nit eren gon wollte – un dat wor et dann……

Et gov immer Seniorenenrichtunge, die däten sich för dä Klaaf, kölsche Adventsnohmeddage usw. interesseere.

Met däm Dieter Meier, och der Baas vum „Ströppche-Klaaf“, wor baal ne Baas för de „Kölsche Verzällcher“ gefunge.

Am 26. Juli 2021 ging et met däm Josef Richters loss. Sing kölsche Rüümcher un Verzällcher kome em Städtische Seniorenzentrum en Riehl (fröher Riehler Heimstätten) ech god aan.
Donoh kom dat Beate Nielen met singem selvsgeknuuvte Vördrag em Johanniter-Haus en Zollstock, dozo.
Nit zo vergesse es, dat all Vördräg met schöne aal kölsche Leedcher garneert weede.

Och ne ärg gemödliche kölsche Adventsnohmeddag hät dat Schmölzche, zosätzlich ungerstütz vum Anita Engels vum „Ströppche-Klaaf“, em „Zentrum für Betreuung und Pflege Phönix“ en Weidenpesch organiseert un durchgeföhrt.

Un eins künnt Ehr Üch secher vörstelle, dat mer uns ärg freue däte, wann mer noch jet Verstärkung kriege däte! - Un de aal Lückcher hätten och Ehr Freud dodran.

Üüre Dieter Meier

Jahresbericht zur „Fründe-Hauptversammlung“ am 11.06.2024

Leev Fründe vun d`r kölschen Sproch,

als Baas vum Schmölzche „Ströppche Klaaf“ un kommisariche Baas vum Schmölzche „Kölsche Verzällcher“ dun ich Üch hügg gään üvver de letzte Zigg, de Aktivitäte un Personalie bereechte.
Zoeesch ens jet zom Schmölzche „KölscheVerzällcher“

Dat es zwor en Neugründung, ävver esu e Schmölzche gov et ald ärg erfolgreich unger däm Name „Klaaf-Schmölzche“ vun 2006 bes 2021 unger dem Baas Marlies Marks. Meddlerwiel han sich ald widder neu Metgleeder gefunge, die die gode Saach widder oplevve losse un dat neue Schmölzche aktiv ungerstötze.
Dat sin per hück 5 Lückcher:

• Wolfgang Hansen
• Jupp Lauter
• Dieter Meier
• Beate Nielen
• Josef Richters

Die Zielgrupp för uns ihreampliche Arbeid sin de Seniore, denne mer in 6 Heime un SenioreClubs met kölsche Verzällcher, Rümcher und Leedcher regelmäßig vill Freud maache.

• Curanum – Porz
• Johanniter-Haus – Zollstock
• Maternus SeniorenClub - Südstadt 
• Philippus SeniorenClub - Raderthal
• Phoenix-Seniorenheim - Nippes
• St. Josef – Südstadt

In de letzte 12 Mond woren dat 37 Optredde. Die kölsche Tön dun die aal Lückcher an ehr Heimat erinnere un die Musik mäht et inne wärm öm et Hätz.
Em Dezember 2022 han mer op Grund ne`r Aanfrog vun nem Veedelsverein ne Tesslauf met dem Programm „Kölscher Advent“ gemaht. – Dat hät ganz got geflupp un esu han mer em Dezember 2023 insgesamp 5 Mol de „Kölscher Advent“ opgeföhrt. Drei bes vier Akteure von unsem Schmölzche un ganz neu d`r Marvin Schmitz als Sänger un Musiker met d`r Quetsch, woren dobei. – Hä hät schön Weihnachtsleeder gespellt un mer han op Kölsch gesunge. – Dofür hät jede Gass e Programm-Heffche met de Leed-Texe gekräht. En de Senioreheime und -clubs un ganz neu och beim Bürgerverein „Quartier Colonia“ us Kalk han mer de „Kölscher Advent“ opgeföhrt. – Do woren mih wie veezig Lückcher, denne mer dat vörgedrage han – un – ich darf dat sage – mer han och ärg vill Beifall doför gekräge! Un em letzte Johr, wie och widder em Juni 2024, hamer kölsche Rümcher und Verzällcher em Tonstudio für die Kölner Blindezeidung opgesproche. Un nit zo vergesse - unser Schmölzche-Sommerfess bei Meiers op däm Balkon.

Et wör schön, wann der Eine ov Andere vun Üch noch metmaache dät.
Böcher un esu han mer genog! Do brucht Ehr nix zo kaufe!
Apropos Böcher en kölscher Sproch: dovun hät dat Schmölzche schon ne eigene Bestand vun 88 Stöck – vill dovun hät uns fründlicherwies d`r Jupp Lauter gespendt. – Dozo kumme noch so öm die 230 Böcher vun mer selver.

Alsu ... et wör jo ärg schön, wann der Eine ov Andere von Üch an einem vun dä zwei Schmölzcher (Ströppche Klaaf ov Kölsche Verzällcher) Interesse hät. Alsu leev Fründe: traut Üch un versökt et ens – mer helfe Üch gään un god!
Un - es dat nit besser wie zo Hus en der Lappekess zo lige ov vör der Äugelskess zo setze?

Dieter Meier

Im Jahr 2006 wurde das "Klaaf-Schmölzche" durch Herrn Freddy Müller ins Leben gerufen und seit 2012 ist Marlies Marks die Sprecherin.

Wir sind z. Zt.  10 Ehrenamtler*innen, die mit viel Freude und Begeisterung ältere, behinderte oder demenziell eingeschränkte Menschen in Seniorenhäusern/Clubs besuchen. Wir erzählen in unserer geliebten kölschen Muttersprache, die ja leider im Alltag nicht mehr oft gesprochen wird.

Das  Coronavirus hat uns viele Änderungen abverlangt, so dass wir alle Termine absagen mussten. Die Zugehörigkeit zu unseren Zuhörer brachte uns jedoch auf die Idee, wenn wir schon nicht kommen können, dann nehmen wir CD’s auf und sie können uns hören. Dies haben wir im Juni gemacht und auch jetzt in der Adventszeit.

Durch die Dankschreiben, die uns z.Zt. erreichen fällt mir ein Satz ein : „denn die Freude die wir geben, kehrt ins eigene Herz zurück!“

 Hoffen wir, dass es bald wieder möglich ist, unsere Besuche fortzusetzen.

Sollte jemand Nachmittags ein wenig Zeit zum verschenken haben, dann kommen Sie doch einmal mit zu solch einem Besuch. Es wäre von Vorteil mobil zu sein. Doch es gibt auch Häuser im Stadtgebiet und mit der KVB erreichbar.

Wie schrieb die ehemalige Sprecherin des Schmölzches, Marlies Marks, so treffend:

Ein solcher Nachmittag macht einen glücklich, nicht nur die Heimbewohner, die wir mit strahlenden Gesichtern zurück ließen!